مدرسة القطاع الشمالى الثانوية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انا المصرى 1.doc

اذهب الى الأسفل

انا المصرى 1.doc Empty انا المصرى 1.doc

مُساهمة  علاء أشرف الخميس ديسمبر 03, 2009 9:03 pm

(1)
أنا المصري
أنا المصري عظيم أصلي جدودي اتملكوا الدنيا
ومن حقي اقول واعيد
ما دمت شربت من نيلها
هغنيلها
وافرح قلب أحزنها
وغصن الفل أناولها
وناولها تكون قصري
ما أنا المصري
***********
يا أمي
تملي بزفلك فرحك
ويوم همي
يروح الهم بين قمحك
يا ضلة وضليلة
انا الليلة
ناديت الشلة والعيلة
وكل اللي لمس سطحك
نسينا كل الهامنا
والهامنا هنا في عيونك الآمنة
آنا أصلي شايلك حب م الاصلي
ما أنا المصري
*****************
أنا ابن الغلابة اللي هدوا العتاة
أنا ابن اللي جريت دماهم قناة
أنا ابن اللي صبروا
أنا ابن اللي عبروا
أنا ابن اللي جاعوا وصاموا وفطروا
بلحم اليهودي
لما طاش عن حدوده وعدا حدودي
أنا ابن الرشيدي اللي سيح فريزر
وذل التتار وجنن كليبر
أنا البورسعيدي
وابويا صعيدي
وأمايتي جالتلي أضحي بدمي فدا للبلد
وجدي اللي واكل جلب الاسد
ومهما انحنى وضهره انجلد
يصلي ويجرا ف صلاته الصمد
وياما وخدني
في حجره وجالي
حكاوي خدتني في دنيا العجايب
وهفضل أجولها ولو شعري شايب
امتى الزماااااااااااااااااااااان؟
سيفها ... يردلها
وينطلق خيلها
وينفلق صبحها
وينطوي ليلها
ومهما الليالي خدتني هقولها
أنااااااااااااا
أنا المصري
علاء أشرف
علاء أشرف
عضو فعال
عضو فعال

عدد المساهمات : 146
تاريخ التسجيل : 01/12/2009
العمر : 30

الرجوع الى أعلى الصفحة اذهب الى الأسفل

انا المصرى 1.doc Empty أنا المصري 2

مُساهمة  علاء أشرف الخميس ديسمبر 03, 2009 9:11 pm

أنا المصري(2)

أنا المصري عظيم أصلي والجد أحمس

اللي أفراس البحور عنده ما تخرس

اللي شال من قلبه خوفو

لما خوفو للأهرامات أسس

أسس هرم جنن عقول

اللي دقوا كتير طبول

لما طلعوا ع القمر

لقوا نقشنا فوق ع الحجر

دقوا الصدور

واما غاصوا في قلب موجه

بغواصتهم بالتكنولوجه

اتلقوا حتة خشب

عليا اسم نبينا نوح

عرفوا ان الأصل فينا

المجد لينا روح

أنا المصري ومن حقي اقول واكرر

ما انا جدي الملك مينا

قالوا عليه نارمر

أنا المصري ومن حقي اقول وأعيد

أيه اللي خلى الفرنسي

والجولوجستي

يحلو سرتي في حجر رشيد

ايه اللي خلى الانجليز يتبتوا

سبعين سنة

دي حتى لُندن مبقتش لُندن

إلا من خير أرضنا

والقنال دا مش باريس ولا ديلسبيسي

القنال شريان وساكن أرضنا

أنا المصري ومش هفضل أغني على اللي فات

أقرا وامصمص شفايفي قصتين دراسات

أنا المصري ونفسي يرجع فينا أحمس مينا

عاوزين نوح يبنيلنا سفينة

نركب فيها اتنين اتنين

ونغرق كل الساكتين

العايزين يفضلوا اموات

قصة وذكرى في الدراسات

أنا المصري .. أنا المصري
علاء أشرف
علاء أشرف
عضو فعال
عضو فعال

عدد المساهمات : 146
تاريخ التسجيل : 01/12/2009
العمر : 30

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى